XİN: Konstantin Zatulin Azərbaycan-Rusiya əlaqələrinin inkişafından narahatdır

22.12.2016 18:27     A-reaksiya     1313

Dövlət Dumasının deputatı Konstantin Zatulin Azərbaycan və Rusiya arasında strateji tərəfdaşlıq əlaqələrinin inkişafından narahatdır.

Bunu Trend-ə Azərbaycan Xarici İşlər Nazirliyinin mətbuat xidmətinin rəhbəri Hikmət Hacıyev K.Zatulinin Yerevanda səsləndirdiyi fikirləri şərh edərkən bildirib.

H.Hacıyev qeyd edib: "Göründüyü kimi, Ermənistan və erməni lobbi dairələrinin aləti olan Konstantin Zatulin Azərbaycan və Rusiya arasında strateji tərəfdaşlıq əlaqələrinin və mehriban qonşuluğun dinamik və ardıcıl inkişafından, eləcə də xalqlarımızı birləşdirən ənənəvi dostluqdan ciddi surətdə narahatlıq keçirir".

Onun sözlərinə görə, Azərbaycan və Rusiya arasında əməkdaşlığın hərtərəfli inkişafından məlumatı az olan K.Zatulinin bu mənada narahatlığı və məyusluğu daha da artmalı olacaq:

"Çünki Azərbaycan və Rusiya arasında xalqlarımızın mənafeyi naminə əməkdaşlığın bütün sahələrdə daha da inkişaf etdirilməsi üçün çoxsaylı və böyükmiqyaslı yeni layihələrimiz və təşəbbüslərimiz var".

Şərhlər