Elza İlhamə Quliyevanın ölümünə şeir həsr elədi

25.02.2016 17:04     Artreaksiya     1391

"Bir müddət öncə Raminə Eyvazqızının "Primadonna kriminal avtoritetdir?" yazısını oxudum. Yazı çox peşəkarcasına yazılmışdı. Çox təsirləndim və elə bu şeri yazdım. İndi bu şeri İlhamə xanımın ölmünə həsr edirəm."

Bu sözləri əməkdar artist, bəstəkar və müğənni, son dövrlərdə özünün qeyri-adi şeirləri ilə dillərdə dastan olan Elza Seyidcahan deyib. İlhamə Quliyevanın ona qarşı etdiyi haqsızlıqlara baxmayaraq, onu bağışladığını deyən Elza Seyidcahan, bu şeri oxucularla bölüşməyimizi istəyib. Şeir "ÖLÜN…" adlanır.

Sevin ki, yaşayasız
Elə sevin ki, öləsiz
Öləndə elə ölün ki,
Qəbriniz üstə gələn olsun,
Üstünüzə su səpən olsun,
Qəbrinizdə çiçək olsun,
Çiçəkləri bitən gəlib 
Dərən olsun,
Sinənizə sərən olsun.
Bizə halallıq verən olsun.
Kam alan olsun,
Halallıqdan qulaqları 
Kar olan olsun.
Öləndə elə ölək ki,
O yerlərə gedək ki,
Süfrəmizi sərək ki,
Süfrəmïzdə su olsun 
Qoy onun gözü üstümüzdə olsun.
Köksü üstə bir köz olsun,
Köz-köz olsun ardımızca 
Baxan bütün dərdlərin.
Biz o yerlərə gedək ki,
Desinlər ki,
Biz də gedək,
Onun bizə sözü olsun.
Birimiz orda, birimiz burda,
Birimiz yolda, birimiz suda 
Öləcəyik.
Öləndə elə ölək ki,
Biz o qəbirə gedək ki,
Kəfənimiz gəlin olsun 
Qəbirdə bizi görən olsun,
Gözləyən olsun.
Gələn olsun qəbrimiz üstə,
Deyən olsun,
Sinəmiz üstə ölən olsun.
Öləndə elə ölək ki,
İkimiz olsun.
Bu olmasın, o olsun.
O olmasın,
Toy olsun, bayram olsun.
Sevgililər bir ölsün
Eşq sevənlərin olsun…

 

(Sputnik.az)

Şərhlər