Ermənistanda insanlar yenidən küçələrə axışır
21.05.2018 14:35 Dünyadan reaksiya 1060
Onlarla fəal Ermənistanın Baş Prokurorluğunun və Kassasiya Məhkəməsinin qarşısına yığışaraq baş prokuror Artur Davtyanın istefasını və sabiq general Samvel Babayanın azad olunmasını tələb edirlər.
Virtualaz.org-un yerli KİV-ə istinadən məlumatına görə, aksiyanın təşkilatçılarından olan iqtisadçı Adranik Tevanyan bəyan edib ki, etirazçılar S.Babayan və bu hadisədə adı çəkilən siyasi məhbusların işinin saxtalaşdırıldığını hesab edirlər.
Onun sözlərinə görə, etirazlarda fəallara Ermənistanın yeni baş naziri Nikol Paşinyan yaxından kömək edir.
“O bəyan edib ki, ölkədə siyasi məhbus qalmamalıdır. Biz istəyirik ki, bu proses tezliklə başa çatsın”, - A.Tevanyan qeyd edib.
Xatırladaq ki, sabiq general Samvel Babayan və altı tanışı 2017-ci ilin martında həbs edilib. Onlar qanunsuz silah saxlamada və çirkli pulların yuyulmasında ittiham olunaraq, altı il müddətinə azadlıqdan məhrum olunublar.
Şərhlər