Yerevanda lombard işçilərinin növbəti etiraz aksiyası

27.03.2019 14:40 Dünyadan reaksiya 819

Ermənistanda lombard və valyutadəyişmə məntəqələrinin işçiləri hökumət binasının qarşısında yenidən etiraz aksiyası keçiriblər.

Aksiya iştirakçıları “Dövlət rüsumu haqqında” qanuna dəyişiklik olunmasını tələb ediblər.

Bu qanunda dövlət rüsumu 60 dəfə, yaxud 6 000 faiz artırılıb.

Aksiya iştirakçıları əllərində “Bizi işsiz qoymayın!”, “Belə ölkə qurmaq olmaz!” kimi şüarlar yazılan plakatlar tutublar.

“Report” xatırladır ki, lombard və valyutadəyişmə məntəqələrinin əməkdaşları Yerevanda martın 11-də də etiraz aksiyası keçirmişdilər.