Vladimir Putin: “Rusiya ilə Azərbaycanın münasibətləri mehriban qonşuluq və qarşılıqlı hörmətə əsaslanır”
27.09.2018 16:24 Siyasi reaksiya 780
“Rusiya ilə Azərbaycan arasındakı münasibətlər qarşılıqlı hörmət və xoşməramlı qonşuluq prinsipləri üzərində qurulub”.
“Report” “RİA Novosti”yə istinadən xəbər verir ki, bunu Rusiya Prezidenti Vladimir Putin Bakıda keçirilən IX Azərbaycan-Rusiya Regionlararası Forumunda deyib.
“Rusiya ilə Azərbaycan arasındakı münasibətlərin, şübhəsiz ki, mehriban qonşuluq və qarşılıqlı hörmət prinsiplərinə əsaslandığını vurğulamaq istəyirəm. Biz mənafelərimizi həmişə tərazlaşdırmağa çalışır və bunu bacarırıq. Hazırda Azərbaycanda, təqribən, 700 Rusiya birgə müəssisəsi fəaliyyət göstərir. Rusiyanın Azərbaycan iqtisadiyyatına qoyduğu birbaşa investisiyaların həcmi 1,5 milyard dollardan çoxdur",- V.Putin bildirib.
O qeyd edib ki, 2017-ci ildə Azərbaycandan Rusiyaya kənd təsərrüfatı məhsullarının ixracı 12 faizədək artıb.
Şərhlər