Azərbaycan Premyer Liqasının təqvimində dəyişiklik edilib

21.02.2018 16:37     Sport reaksiya     1229

Peşəkar Futbol Liqası (PFL) 2017-2018-ci il mövsümünün təqvimində müəyyən dəyişiklik edib. REAKSIYA PFL-in saytına istinadən xəbər verir ki, milli komandamızın mart toplanışı və yoxlama görüşləri, eləcə də 11 aprel Prezident seçkiləri ilə əlaqədar olaraq Azərbaycan Premyer Liqasının və ölkə kuboku yarışlarının təqvimində dəyişikliklər olunub. Azərbaycan Premyer Liqasının XIX turunun “Kəpəz”–“Qəbələ” və “Keşlə”-“Neftçi” matçları martın 9-da, “Səbail”–“Sumqayıt” və “Qarabağ”–“Zirə” matçları isə martın 10-da keçiriləcək. XX turunun “Keşlə”-“Qəbələ” matçı martın 13-də, turun digər üç oyunu isə 14-də başlayacaq. XXIII turda aprelin 14-də keçirilməsi nəzərdə tutulan “Zirə”–“Neftçi” oyunu ertəsi günə təxirə salınıb. Azərbaycan kuboku yarışlarının yarımfinal mərhələsinin ilk oyunları aprelin 12-də keçiriləcək.