“İkimizin hekayəsi” kitabının imza günü keçirildi - FOTOLAR

16.04.2018 16:15     YazarKlub     2452

Reaksiya.az -ın verdiyi xəbərə görə 14 aprel tarixində kitabevim.az mağazalar şəbəkəsinin Nizami filialında yazıçı Müşfiq Xanın “İkimizin hekayəsi” adlı yeni kitabının imza günü keçirilib.

“XAN” nəşriyyatından aldığımız məlumata görə, mərasimdə yazıçı çıxış edərək son zamanlar yaradıcılığında baş verən yeniliklərdən, “İkimizin hekayəsi” kitabının necə ərsəyə gəlməsindən bəhs edib. Sonra söz alan yazıçı-şair Cəlil Cavanşir Müşfiq Xanın yaradıcılığını izlədiyindən, hər dəfə də yaxşı mənada təəccübləndiyindən danışıb, yazıçıya uğurlar diləyib. Müşfiq Xanın kitablarını ruscaya tərcümə edən Narxanım Cəfərova yazıçının ölkədən kənarda çap olunan kitablarından bəhs edərək, xarici oxucuların yerli yazarlara olan rəğbətini qabardıb.

Tədbirdə siravi oxucularla yanaşı, bir sıra ədəbiyyat və sənət adamları da iştirak edib. Yazıçı Müşfiq Xan oxucuların kitablarını imzalayıb.


Sözügedən kitabın builki buktreyler festivalına təqdim edilmiş video-çarxını buradan izləyə bilərsiniz:

https://www.youtube.com/watch?time_continue=1&v=PCIeaO_3YAI

Şərhlər